UM OKKUR

Blómahönnun er öðruvísi og skemmtileg blómabúð og vinnustofa sem sérhæfir sig í nútímalegum og stílhreinum skreytingum fyrir einstaklinga og fyrirtæki. Þar starfar fagfólk sem hefur sérhæft sig erlendis í skreytingum við öll tækifæri, ráðstefnur, aðalfundi, þemadaga, árshátíðir, brúðkaup og jarðarfarir til að nefna nokkur dæmi.

Blómahönnun er leiðandi í nútímalegri hönnun og finnur réttu og hagkvæmu lausnina fyrir þig. Við leigjum út vasa í öllum stærðum og gerðum, gerum verðtilboð og sendum myndir af tillögum til viðskiptavinarins á rafrænu formi, setjum upp skreytingarnar, tökum niður, sækjum og sendum.

Láttu okkur sjá um umstangið til að gera þitt fyrirtæki eftirtektarvert hvort sem er á ráðstefnunni eða í kokkteilpartíinu.

Fersk og framandi blóm – einstaklingsþjónusta eða fyrirtæki! Komdu við hjá okkur og við tökum vel á móti þér.

María Másdóttir
María Másdóttir er listfræðingur að mennt og útskrifaðist með BFA próf frá Rockford College í Bandaríkjunum árið 1986. Hún hefur síðan haldið málverkasýningar í Bandaríkjunum, Noregi og Íslandi. María stundaði blómaskreytinganám við Binderiet í Osló á árunum 1999 og 2000 og útskrifaðist sem blómaskreytir árið 2000. María starfaði hjá hinum virta blómaskreyti og Evrópumeistara, Thor Gundersen í Osló 2000-2001 við stór og krefjandi verkefni. María lauk verkefninu "Auður í krafti kvenna" við HR 2002 og hlaut Auðarverðlaun fyrir hugmynd sína að Blómahönnun og var fyrirtækið opnað í kjölfarið í febrúar 2002.